Република Македонија

Република Македонија е мала земја расположена во централниот дел на Балканскиот Полуостров со површина од 25.713 км2 и со популација нешто поголема од два милиона жители. Има добра географска положба бидејќи лежи во Вардарско-моравската долина - најкратка надолжна сообраќајница којашто ја поврзува Средна Европа со Средоземното Море а преку него со Блискиот Исток. Природните услови во Република Македонија (геолошкиот состав, релјефот, климата, хидрографијата, почвите, флората, фауната) овозможиле таа да се вброи како една од ретките земји во Европа со богатство на природни вредности. Во изминатите пет децении организирана заштита на природните реткости, во Република Македонија во мрежата на заштитени области се вклучени 74 објекти на природата, со вкупна површина од 187,895 хектари или 7,30% од националната територија. Во Република Македонија статус на заштитени добра имаат:
3 национални паркови, со површина од 108,338 ха или 4,2%; ·
4 строги природни резервати, со површина од 12.855 ха или 0,50%;
3 предели со посебни природни карактеристики, со површина од 2.338 ха или 0,09%;
14 одделни растителни и животински видови надвор од природните резервати, со површина од 2709 ха или 0,10%;
33 делови на природата заштитени во категоријата на споменици на природата, со површина од 61.655 ха или 2,4%.

Превземено од
http://my.opera.com/ancientmacedonia/blog/show.dml/1211789